Canalblog
Editer l'article Suivre ce blog Administration + Créer mon blog
Publicité
Hein Quo ????
Hein Quo ????
Publicité
Derniers commentaires
10 avril 2008

Eine tiote recette de ch'nord

Tarte au libouli, une recette de ch'nord, pur chti garantie !

Du libouli caud' aveuc' des peumm's

Cha i-est ... v là I' momint du dessert... si qu’ t'as été sach' et que n'in est point privé, ti qu' est eun’ g|uiff à chuqu’, te dos qu'mincher a béffler... j' vos d' ichi t’asif qui guill' tout du long d'tin minton ... ! J' vos qu'mincher par eun' chucart' que m' mémère Augusta all me faijot quand qu' avos point été par trop indign', du libouli caud' aveuc des peumm's ...

Hummm ... ! Accoutes ichi :

D’abord, te pleumes 1 kg d' peumm's, te les copes in quat’, et te les laiches cuir’ tout duchèt'mint, in compote, pindant 10 mn.
Bon, après ch' là, te casses quat' ués d’glenne dins eun' telle, te touffes aveuc 150 gr ed' chuqu in poud', et t' ajoutes 125 gr ed' fareine tamisée.
Te balles là d'dins 125gr erd’ crêm’ fraîch’, un lit' ed' bonn' bière blonde, et te parfeum's aveuc eun' ziqu ed' vanill'.
Te laiches cha querre 2 mn, el timps d' prinde un plat au four, equ' te vas graicher au burre, sins raviser à n' in mett' eun' pallée, pass'qu i faut point qu cha attaqu’ dins l’fond.
Te saupoud's aveuc un monet d' fareine, te verses el mitan de t' pâte, te mets les peum’s equ t' as préparées d’ t' à l'heur, et t' arcoeuf aveuc el' ress' de t' pâte.
Te cuis à feu fort douch' ( 5 - 6 ) dins tin four, pindant eun' bonn' demi heur', et te sers cha tout funquant au momint du dessert...
Ch' est simp', ch' est bon, et j'te promets qu cha r'met tin tiot cœur à plache pou’ l' restant du jour !

Publicité
Publicité
Commentaires
Publicité